Endeleg litt antydning til sommar igjen. Litt kjapp proviantering og så rett ut på fjorden. Målet med turen er å kikka litt nærmare på Askøy. Første stopp blei Kollevågen og kaien på friluftsområdet. Djupna var ikkje meir enn den måtte vera, men så var det også full fjøre. Lunsj i strålande sol. Så bar det vidare på vestsida med kurs for Gullbrandsøy. Nok ein stopp på grundt vatn. Betre blei det ikkje då me oppdaga at me hadde ankra i eit område med rørledning. Heldigvis gjekk me klar. Knall grillmiddag på kaien til broderen før me la oss til ro for natta på Herdla. Heller ikkje her er det spesielt djupt. 3,7 meter på flo gjer at det kan bli smått med søvn, men ifylgje tidevannstabellen skal det gå bra.
Ingen kommentarer:
Legg inn en kommentar