Bris har fått ny eigar

Eventyret med Bris over for denne gong. Det har vore tre flotte sesongar på sjøen. Kjem til å sakna både stillheten og friheten som seiling byr på. Men blir hyttelivet for einsformig går det alltids an mønstra på ein annan gong. Me ønskjer Bris og den nye eigaren lykke til på alle verdens hav.

Kald glipp

Hadde Bris vore av amerikansk opphav, ville ein advarsel stått oppslått ved roret. Aldri løys mutteren med valne fingrar og absolutt ikkje når badeplattforma er nede. Jækla glatt er han óg. Alt dette veit ein jo, men livet blir kjedelig utan å ta ein sjanse. Så svipp ned i sjøen for han. Gode råd er dyre. Rive og ekstra langt skaft gav ikkje anna resultat enn kraftig bannskap. Så etter å ha sove dårlig på det, var løysinga egentlig enkel, men kald. Dykkermaske, bita tenna saman og hoppa i det. Etter fem minutt med romstering på tre meter, viste mutteren seg som ei openbering. Resten blei nesten som å plukka plommer. Så moralen er at neste gong det skjer, så fomla han uti på minst 20 meters djupne.

Ferievær

Sol og ny optimisme for at ferien ikkje skal regna vekk. Mannskapet nyt livet og luksusen om bord i Bris, mellom oppussingsøktene på hytteprosjektet på Bjorøy.

Grisevær

Regn, regn og atter regn på Bjorøy. I fylgje prognosane skal 60 mm pøsa ned over oss i løpet av dagen og natta. Sørleg stiv kuling kan føra til litt dårlig nattesøvn, men ankeret ser ut til å klorar seg fast.

Bjorøy

Første tur til det nykjøpte "landstedet" vårt på Bjorøy. Litt spent på om det er djupt nok for Bris inne i lagunen på fjæra sjø, men trur det skal gå bra. Over tre meter på flo burde vera safe, og i tillegg er det sandbotn.

Knirkefritt

Treplattingen på badet er fin å sjå på, men helvete å gå på. Etter å ha irritert oss over stadig meir knirking, måtte problemet forskast på. Mellombels løysing blei skliduk der treverket møtte plast. No går det an å snika seg på do utan at alle får det med seg. Permanent løysing kan bli filtknottar som er stifta på.

Namenam

Halve poenget med ein eingongsgrill er kol, men når det ligg 6-7 usle brikettar i ei aluminiumsform blir det lite futt. Biff som må steikast i ein halvtime for å bli varm, er eit dårleg utgangspunkt. Sjarmfaktoren og marshmallows til dessert vog opp for punglegrillen. Strålande vêr. Skyfriit, 20 gr i sjø, 25 i luft og lite vind.

Badetemperatur i mai

Sunn fornuft burde tilsei at det ikkje er behageleg å bada i mai. Temperaturmålaren viser 17,5, noko som i utgangspunktet vil sei at ein overlever ein kjapp dukkert. Mannskapet legg skepsisen igjen om bord og hoppar uti da. Sjølvsagt er kapteinen sist uti. Kan ikkje risikera for mykje heller. Målt i desibel så var årets første bad innanfor akseptable grenser. Litt meir solvarme så kan det bli behageleg sjøtemperatur utover dagen.

På gamle trakterer

Solnedgong og spekemat på Supaneset ved Lysøen. Tett i tett med båtar på sjøen, men berre ein båt hadde ankra opp her før oss. Vindstille og idyllisk utsikt over fjorden.

Pinseseilas

Bris er lasta med godsaker og klar for ei strålande langhelg på fjorden. Roleg vind og varmt, men bortskjemt som me er så er det overraskande mykje skyer. Stemmer tempmålaren for sjø, så er det store sjansar for årets første bad. Tvilar litt på at det er 18 gr i Byfjorden, men det er det berre ein måte å finna ut av. Sparka styrmannen på sjøen.

Serviceetappe

Timingen for planlagt motorservice kunne vore betre. Sommar og sol får da til å rykka i seilfoten og då er det surt at Bris blir liggande hos Bjordal & Madsen ein dag ekstra enn nødvendig. Men med 27 grader og ny varmerekord i Bergen er slike ting fort gløymd. Dryge 4000 kroner for service (oljeskift, diesel- og oljefilter, sinkanode).

Mannskapet svetta seg fram til Dolviken på sykkel og etter ein kjapp matbit og leskande drikke om bord, var det deilig å komma seg ut på fjorden. Passe vind for ein koseseseilas. Vêrmeldingane lovar godt for at det i helga blir årets første overnattingstur.

Byfjorden

Ein lang og sur vinter er fort gløymd når Bergen viser seg sin finaste vårskrud. Sommarstemning blant mannskapet som ikledde seg kortbukser og t-sjorter, men nordavinden blei litt for kald utover ettermiddagen. Etter ein roleg seilas nordover i Byfjorden la me oss til kai i Åsteveitvågen. Der blei lettbåten sjøsatt for ein aldri så liten stresstest, men kapproinga enda med knekt årefeste. Duell blei det likevel. Bris-kapteinen viste musklar og tok ein knipen siger over gjestemannskapet. Retur til Bryggen og sushi, der også Presten velsigna oss med eit besøk. Me lengtar allereie til neste finversdag :)

Vårreingjering

Bris fekk seg ein etterlengta omgang med skurekost og vatn. Også fokka er på plass, så no er det berre å håpa finvêr.

Årets første seiltur

Vår, sol og fin seilvind. Livet som båteigar er som regel god på slike dagar. Fokka har fått overvintra innom hus i år, men storseilet gav nok fart til at smilet kom fram hos mannskapet. Hyggeleg å ha tidlegare "Lykkeliten"-mannskapet med på tur.
Bris skulle endeleg hentast etter meir enn ein månad hos Båtservice Vest i Florvågen. Å få skjert til dei nye platene til dørken skulle visa seg å vera veldig vanskelig. Men no er platene på plass, dog med forskjellig farge på fugene. Hakka i kjøkkenfronten og lekkasjen i dieselmålaren er ikkje gjort noko med. Fascinerande kor lang tid det kan ta å få ordna opp i ein reklamasjon. Sjølv om Lunde Båt lova dyrt og hellig at no skulle det fiksast, så skyffar dei nok ein gong.

Klar for vinteren

Sprayhooden fekk seg ei runde med såpevatn, men dei mest gjenstridige flekkane lot seg ikkje rokka. Ny runde med jorslagmiddel gjorde resultatet lagt betre. Dermed var det klart for impregnering. Så får me kryssa fingrane på at den er betre rusta til ein sur vinter.

Gummibåten er vaska og pakka saman og går i opplag innomhus.

Fokkevask

Endelig eit par finversdagar. Sesongen blir neppe lengre av den grunn, men perfekt til å få vaska og tørka seil. Fuktig ver har satt sine uunngåelige spor på forseilet. Ubeskytta på rull blir det fort grønske og skit. Ein kjapp runde med spyleslange og svamp heima i hagen fekk av det verste, men langt frå godt som nytt. Får sjå om det er vits å ta ein ny runde til våren.

Teakbehandling

Produktutvalet for behandling av teak om bord i båt er rikhaldig. Det samme er råda for kva som er lurt å gjera. Nokon svergar til SnappyTeak, andre til grønnsåpa og skurekost. I år satsar me på nanoteknologi. Holmenkol sin Woodcleander + Brightener lovar eit fantastisk resultat utan å vera skadeleg for treverket. Så i eit forsøk på å bevara teaken best mulig, samt redusera tidsbruken på vedlikehald, slår me til på vidunderstoffet til ein prislapp på godt over tusenlappen. Lovnaden er at teaken blir god som ny.

Ein pakke rensemiddel utblanda i 10 liter med vatn skal løysa opp skit og smuss, og få fram fordums prakt. Me går på med krum nakke og ein skurekost. Ingen tvil om at treverket var skittent. Eit par rundar måtte til før skyllevatnet såg nokolunde reint ut. Å sei at det såg som nytt ut, er å ta litt hard i, men det blei i alle fall betre. Etter at alt hadde fått tørka godt opp forsegla me teaken med to strøk av nano-stoffet. Restulatet blei alt i alt bra. Overflata har no fått ei vannavvisande, UV-bestandig hinne som ikkje tar til seg algar og skit, dessutan er det lett å reingjera. I tillegg er det minst like sklisikkert som før. No blir det spanande å sjå kor lenge det varar.

Irriterande ladesvikt

Batteriladaren ser ut til å ha tatt kvelden, og det berre etter eit drygt år i drift. Enkel feilsøking gav lite svar. I den ellers rikhaldige manualveska som føl med båten, mangla sjøvsagt instruksjonen til Quick-ladaren. Fann den på nettet, men til liten nytte. Det er berre å føra opp ladaren på reklamasjonslista til Lunde Båt. Har venta i over eitt år på å få utbetra transportskader på båten, men ingenting har skjedd så langt.

Supaneset

Fin ankringsplass ved Supaneset heilt nord på Lysøen. Kanskje mest ideell når vinden komme frå sør. God djupne. Svaberg innerst i bukta som gjer det enkelt å gå i land med lettbåt.

Lettskya fint vêr og sommartemperatur. Kanskje det blir ein tur til komponisthytta.

Saken er biff

Ytrefilet med soppstuing, asparges og stekte poteter, akompanjert av eit glas rødvin. Mmmmmm....